часам пасярод ночы
дождж у вакно грукоча
месяц глядзіць прарочы
праз шыбу ў бяссоныя вочы
радыё ціха мармыча
нібыта праз моцны сон
і хтосьці некага кліча
схапіўшыся за тэлефон
часам пасярод ночы
у цаху працуе рабочы
хтосьці дадому крочыць
хтосьці за часам сочыць
горад самотна шапоча
ліхтарнямі шэрых двароў
і быццам бы шчасця хоча
для ўсіх сваіх жыхароў
часам пасярод ночы
свет здаецца сірочым
бо сэнс - невідавочны
у шляху сваім адзіночным
радыё ціха мармыча
нібыта праз сон на світанні
што лепей за ўсё сярод ночы
не спаць толькі дзеля кахання
Просмотров: 323 |
Добавил: Дикая |
Дата: 10.11.2013
|