Давай будзем побач
Апоўдзень

Апоўнач

У вясновым трымценні

І ў сэрцы зімы

Давай будзем побач у падзенні і ўзлёце

Тварам да неба і да сцяны

Цябе заклікаю - давай у Запаляр'і

там дзе пануюць адвечныя льды

А хочаш у пустэльні, у ссохлай Сахары

дзе толькі вярблюдам хапае хады

Давай будзем побач!

Дзе слодыч і горыч

Дзе моц і знямога

Дзе цемрадзь і свет

Давай будзем поруч

Спакой з насцярогі

Пакуты з кахання

Існасць з прыкмет

Куды б нам ні крочыць

Давай будзем побач

Не разыйсціся нашым шляхам

Нават калі са шляхоў мы збочым

Зямля і паветра...
Агонь і вада....